بنیادی صفحہ / سخن / آپ ہیں احمد و مجتبیٰ مصطفیٰ

آپ ہیں احمد و مجتبیٰ مصطفیٰ

آپ ہیں احمد و مجتبیٰ مصطفیٰ
آپ ہیں رہبر و رہنما مصطفیٰ

آپ کی مدح کرتا ہے سارا جہاں
ہے خدا مدح خواں آپ کا مصطفی

ساری دنیا تھی ظلمت میں ڈوبی ہوئی
آپ نے اس کو بخشی ضیاء مصطفی

تیرے صدیق و فاروق و عثماں علی
آئینہ دار دین ہدیٰ مصطفی

نعت کا حق ادا ہو بھلا کس طرح
مدح و توصیف سے ماورا مصطفی

آپ سے بے رخی سربسر گمرہی
عالمی دائمی پیشوا مصطفی

آپ کی ذات سارے مسائل کا حل
آپ ہیں ہر مرض کی دوا مصطفی

سیدالمرسلیں شاہ دنیا ودیں
مختصر یہ کہ بعد از خدا مصطفی

آرزو ہے کہ زندہ رہوں جب تلک
نام لیتا رہوں آپ کا مصطفی

جب ہو عارفؔ کا یارب دم واپسی
لب پہ اس کے رہے مصطفی مصطفی

احسان الحق عارف

تعارف: admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

This site uses Akismet to reduce spam. Learn how your comment data is processed.

x

Check Also

نئی تہذیب کے انڈے ہیں گندے

شیخ احمدضیاء تلنگانہ آج مرزا سے جب ہم ملے وہ کچھ گنگنارہے ...