Click Here to Read More

غزل

اس کا کیا آج ہے کردار ذرا پوچھ تو لیں
کیوں ہے ناراض مرا یار ذرا پوچھ تو لیں
اتنی بے پردہ تو پہلے نہ تھی بنتِ مریم
کیوں بنی رونق بازار ذرا پوچھ تو لیں
دور حاضر کے اگر آپ سے نمرود ملیں
آگ کیسے ہوئی گلزار ذرا پوچھ تو لیں
عہد حاضر کے جو منصورؔ نہیں تھے وہ بھی
کیوں ہوئے دار کے حقدار ذرا پوچھ تو لیں
کل تلک اس کے تھے مداحؔ ہزاروں پیارے
آج ہے کس لیے وہ خوار ذرا پوچھ تو لیں
دھوپ میں کس لیے جلتا ہے وہ دن بھر لوگو!
بوڑھے برگد سے ہم اک بار ذرا پوچھ تو لیں
فکر سالکؔ سے نہ تھا واسطہ ان کا اب تک
بن گئے کیسے طرفدار ذرا پوچھ تولیں
سالک بستوی ایم اے

غزل

امانت میں خیانت جو کرے گا
مصیبت میں یقیناًوہ پڑے گا
کسی کے واسطے خندق جو کھودے
اسی خندق میں آکر وہ گرے گا
خوشی اوروں کی جس کو ہو کھٹکتی
حسد کی آگ میں وہ جل مرے گا
جہاں والوں کی ذلت جس کا مقصد
وہ اپنے آپ ہی پانی بھرے گا
جسے موجیں ہی بڑھ کر دیں سہارا
تو اس بچے کا کوئی کیا کرے گا
توکل اور ارادہ جس کے ساتھی
وہ برق ورعد سے پھر کیا ڈرے گا
غلط کاری جو اپنا دین سمجھے
وہ اپنی موت آخر خود مرے گا
جو خود ہو محتسب اپنے عمل کا
بلندی پر ہمیشہ وہ چڑھے گا
مٹاسکتا نہیں اس کو زمانہ
امیںؔ جو جنگ اپنی خود لڑے گا
محمد امین احسن، بلریاگنج

Click Here to Read More

About admin

Leave a Reply

Your email address will not be published. Required fields are marked *

*

x

Check Also

اگر ضمیر کی چڑیاحلال کردیتے

عبدالحفیظ ۔ر،تلنگانہ   مرزا کا چھینکتے چھینکتے براحال تھا۔ ہم نے پوچھا ...