Home / سخن / ہم مسلمان ہیں
Click Here to Read More

ہم مسلمان ہیں

ہم سبھی کا خدا ایک رحمن ہے
ہے نبی ایک اور ایک قرآن ہے
آپکا جو وہ میرا بھی ایمان ہے
صرف اخلاق ہی اپنی پہچان ہے

یہ نہ بھولو مگر ہم مسلمان ہیں
ہم مسلمان ہیں بس مسلمان ہیں

مسلکی اختلا فات ا پنی جگہ
سارے جھگڑے فسادات اپنی جگہ
رسم کہنہ روایات اپنی جگہ
تفرقہ کی ہر ایک بات اپنی جگہ

یہ نہ بھولو مگر ہم مسلمان ہیں
ہم مسلمان ہیں بس مسلمان ہیں

دوری قرآن سے اپنی بڑھتی گئی
اور فرائض سے امت یہ کٹتی گئی
پھرامامت کے منصب سے ہٹتی گئی
کتنے فرقوں میں جانے یہ بٹتی گئی

یہ نہ بھولو مگرہم مسلمان ہیں
ہم مسلمان ہیں بس مسلمان ہیں

ہم تو اپنوں ہی اپنوں سے کٹتے گئے
اور فرقوں میں ہم یوں ہی بٹتے گئے
ہم بھی کاشفؔ زمانے سے مٹتے گئے
بادلوں کی طرح ہم بھی چھٹتے گئے

یہ نہ بھولو مگر ہم مسلمان ہیں
ہم مسلمان ہیں بس مسلمان ہیں

 

از: اشعر الدین کاشفؔ

Click Here to Read More

About admin

Leave a Reply

Your email address will not be published. Required fields are marked *

*

x

Check Also

اگر ضمیر کی چڑیاحلال کردیتے

عبدالحفیظ ۔ر،تلنگانہ   مرزا کا چھینکتے چھینکتے براحال تھا۔ ہم نے پوچھا ...